Ինչպես  տեղեկացրել  ենք,  Երևանի քաղաքապետը  միջոցներ  չի  ձեռնարկում  Ավագանու «ՀԱԿ» խմբակցության գործունեության համար, որը  կամային  ձևով  դադարեցված  է:

 Առայսօր լուրջ  խոչընդոտներ  են  ստեղծված  Ավագանու  անդամ  Ռ. Թորոսյանի  գործունեության  համար, այդ  թվում արգելում  են  անգամ քաղաքապետարան  մուտք  գործել  որպես  Ավագանու անդամ: Իսկ քաղաքապետը  և  իրավասու  այլ  պաշտոնյաներ  չեն  արձագանքում  Ռ. Թորոսյանի  գործունեությանն  առնչվող  ոչ  մի  հարցման, դիմումի  կամ  առաջարկության:

    Ավելին, քաղաքապետարանում  տեղյակ  չեն  անգամ  ՀՀ  օրենդրության համապատասխան պահանջներին, մասնավորապես՝

1. Ավագանու կազմից  հանել  են  «ՀԱԿ» խմբակցությունը, իբր  բոյկոտման պատճառով,
2. Վերջինիս  ապահովված  չէ  աշխատասենյակով  և  Ավագանու  կանոնակարգով  սահմանված  այլ  տեխնիկական  միջոցներով,
3. Բացակայում  է որևէ  տեղեկատվություն  Ավագանու  առաջիկա  նիստի  մասին, այդ  թվում, գոյություն  չունի  Ավագանու  համապատասխան  որոշումն  այդ մասին,
4. Ռ. Թորոսյանին  Ավագանու անդամի  վկայական չեն  տրամադրում  այն  պատճառով, իբր  ԿԸՀ-ի  տրամադրած  մանդատը  չի ներկայացվել, որը  ԿԸՀ-ն  չի էլ  տրամադրում  և  այլն:

Այսպիսով, Երևանի  քաղաքապետն  այդ հարցում  ակնհայտորեն  չարաշահում  է  պաշտոնեական իր լիազորությունները:

     Այդ կապակցությամբ, սույն հաղորդագրությունն, այսօր, որպես հաղորդում, ներկայացնում  ենք  Հատուկ  քննչական ծառայություն  Երևանի  քաղաքապետին  պատասխանատվության կանչելու ակնկալիքով:

«ՀԱԿ-կուսակցությունների  դաշինք» Երևանի Ավագանու  խմբակցություն