ՀՀ էկոնոմիկայի նախարարության զբոսաշրջության և տնտեսական զարգացման վարչության պետ Մեխակ Ապրեսյանն այսօր լրագրողների հետ հանդիպման ժամանակ անհրաժեշտ է համարել մեր երկրում զուգարաններից օգտվելու մշակույթ ձևավորել:

–Հայաստանում անվճար զուգարան չպետք է լինի: Հանրային զուգարանները պետք է լինեն վճարովի, որ լինեն մաքուր։ Այլապես շատ արագ վերածվում են աղբանոցների,-ընդգծել է նա։

Մ. Ապրեսյանը նաև ասել է, որ պատմամշակութային հուշարձանների հարևանությամբ հասարակական զուգարանների թիվը լիարժեք բավարար չէ, և այդ ուղղությամբ աշխատանքներ են տարվում:

Ի դեպ, հիշեցնենք, որ 2010թ.  կառավարությունը որոշել էր 2 բիոզուգարան ձեռքբերման համար պետական բյուջեից 100 մլն դրամ հատկացնել։

7or.am