Մեր ձեռքի տակ է հայտնվել գերատեսչական մի որոշում, որի հետ կապված ուշագրավ մանրամասները ձեզ կներկայացնենք մի փոքր ուշ։ Իսկ առայժմ ծանոթացեք Տիգրան Դավթյանի որոշումներից մեկին։

ՀՀ պետական կառավարչական հիմնարկներին

պատճենը`  Պետական գնումների գործակալության

պետ պրն. Հ. Բեգլարյանին

ՀՀ ֆինանսների և էկոնոմիկայի նախարարի 23.02.2001թ. N 63 հրամանով հաստատված կարգի պահանջներին համապատասխան հայտնում ենք, որ ՀՀ ֆինանսների  նախարարի 17.11.2010թ. N 763-Ն հրամանով լրացում է կատարվել ՀՀ ֆինանսների և էկոնոմիկայի նախարարի 02.11.2005թ. N 1167-Ն հրամանում, համաձայն որի ծաղիկներ և ծաղկեպսակներ առարկան ներառվել է պարբերական մրցույթներով ձեռքբերվող ապրանքների, աշխատանքների և ծառայությունների ցանկում:     

 Հրամանն ուժի մեջ է մտնում ՀՀ գերատեսչական նորմատիվ ակտերի տեղեկագրում հրապարակվելու օրվան հաջորդող 10-րդ օրը:

Խնդրում ենք սույն գրության պատճենը տրամադրել.

ա/ պետական կառավարման մարմինների կառավարմանը հանձնված պետական ոչ առևտրային և պետության հիսուն տոկոսից ավելի բաժնեմաս ունեցող կազմակերպություններին.

բ/ ՀՀ մարզպետներին` մարզերի վարչական սահմաններում գտնվող տեղական ինքնակառավարման մարմիններին:

          Հարգանքով` Տ. Դավթյան