Իրանի նախագահ Մահմուդ Ահմադինեժադը ուսումնասիրում է իր խորհրդական, իրանական «IRNA» գործակալության տնօրեն Ալի Աքբար Ջավանֆեքրի ձերբակալության հանգամանքները:

Ինչպես տեղեկացնում  է «ՌԻԱ նովոստի»–ն՝ Ջավանֆեքրը մեղադրվում է երկրի գերագույն առաջնորդ Ալի Համենեիին վիրավորելու համար։ Նրան դատապարտել են վեցամսյա ազատազրկման և ուղարկել են Թեհրանի բանտ: Ընդ որում չի նշվում, թե նախագահի խորհրդականը երբ և որտեղ է Համենեիին վիրավորել:

Ահմադինեժադը հայտարարել է, որ նոր է իրազեկվել Ջավանֆեքրի ձերբակալության մասին և կցանկանար իր կարծիքը հայտնել միայն տվյալ գործը մանրամասն ուսումնասիրելուց հետո:

Նշենք, որ Իրանում երկրի գերագույն առաջնորդ Ալի Համենեիի ու երկրի նախագահ Ահմադինեժադի հարաբերությունները տևական ժամանակ է, ինչ բավական լարված են։