Համացանցը շարունակվում է  ողողվել   ՀՀԿ  ղեկավարի ղումար  խաղալու  մասին  տեսահոլովակով /Հ.Գ./, սակայն  վերջինիս  թիմակիցներից  որևէ  մեկը փորձ  էլ չի անում  այդ մասին  խոսել, առնվազն, պաշտպանելու  համար  իրենց առաջնորդի  պատիվը:

Լռում  է նաև  ինքը՝ ՀՀԿ  ղեկավարը, հավանաբար, չհասկանալով  անգամ, որ  խոսքը  ոչ  թե  իր  կամ  ՀՀԿ արժանապատվության  մասին  է, այլ՝ պետության  գլխի:

Ավելին, բարձր  պաշտոոն  տալով,   մի  կողմից,  փորձել  են  լռեցնել  հերթական  պաշտոնատենչ  «ընդդիմադրին», մյուս  կողմից,   լռելայն հաստատել  են, որ  ՀՀԿ  առաջնորդը    ժողովրդի  հաշվին  ղումար  է  խաղում:   

       Սակայն, ո՞վ  կարող  է  դրան  հավատալ:

      Ինչևէ, հասկանալի  պատճառներով, ՀՀԿական  արժանապատվությունը  չի  կարող  հայաստանցուս  օրինակ ծառայել  և  սույնով  դիմում  ենք  Գլխավոր  դատախազին՝  պետության  գլխի  կողմից  ժողովրդի  հաշվին  ղումար  խաղալու  տեղեկատվության փաստով  քրեական  գործ հարուցելու, այդ  թվում, ենթադրյալ  զրպարտչին  պատասխանատվության կանչելու  մասին:

     Հասկանալով  նաև,  սույն  հարցում «էշի  ականջում  քնած» գլխավոր  դատախազի  որակն, այնուամենայնիվ  նման  նախաձեռնություն  ենք իրականացնում, ակնկալելով, որ  գոնե կտեղաշարժվի  ՀՀԿ  առաջնորդի  տղամարդկային արժանապատվությունը...

Չնայած, կարծես դա  էլ  է  արդեն  անհույս:

Ռուբեն Թորոսյան