Դաշնակցություն խմբակցության ղեկավար Վահան Հովհաննիսյանը խորհրդարանական հայտարարությունների ժամին նշել է, որ մի քանի շաբաթ առաջ Ռուսաստանի նախագահն իր հրամանագրով իրեն կից հանձնաժողովի կարգավիճակով ստեղծել է մի մարմին , որի վրա դրված է պատմական նենգափոխումների ուսումնասիրության և նրանց բացասական ազդեցությունը չեզոքացնելու պարտավորություն։

-Շատ հաճախ թուրքական նենգափոխումները բերում են նրան, որ ճիշտ կլինի նմանօրինակ մի հանձնաժողով ստեղծել։

Վահան Հովհաննիսյանի հավաստմամբ այդպիսի մարմնի ստեղծումը հնարավորություն կտա չեզոքացնել ՀՀ-ի և ԼՂՀ-ի պետական շահերին վնաս հասցնող նենգափոխությունները։