Այսօր Երևանի պետական համալսարանում մեկնարկած Հայկական տնտեսագիտական միության երկրորդ տնտեսագիտական եռօրյա համաժողովին անդրադառնալով Հայաստանի տեսությանը՝ ՀՀ վարչապետ Տիգրան Սարգսյանը նշել է, թե 2012թ. հունվար-օգոստոս ամիսներին Հայաստանի տնտեսական ակտիվության ցուցանիշը կազմում է 8,3%, իսկ գնաճը՝ 2,2%։  «Սա նշանակում է, որ կառավարության կողմից ձեռնարկված միջոցառումները տալիս են դրական արդյունքներ»,–ասել է վարչապետը։ 

Այդուհանդերձ, ըստ նրա՝ տնտեսական աճը, տնտեսական ակտիվության ցուցանիշը կարևոր իցուցիչ է, սակայն շատ ավելի կարևոր է, որ քաղաքացիները տնտեսական աճը զգան իրենց կենսամակարդակի վրա: 
«Դեռևս մեծ անելիքներ ունենք, քանի որ հիմնական մարտահրավերները, որոնք մեր առջև կանգնած են, դեռևս մնում են նույնը՝ մենք պետք է կարողանանք հաղթահարել աղքատությունը Հայաստանում, որի տեսակակար կշիռը շուրջ 30% է, իսկ դա խիստ վտանգավոր ցուցանիշ է մեզ համար»,–նշել է վարչապետը։

7or.am