Լրահոս

20.06.2009 17:14


Սպանություն Գոռավանում

Հունիսի 20-ին, ժամը 9.30-ին, մեղայականով ոստիկանության Արարատի բաժին է ներկայացել Վեդի քաղաքի բնակիչ, 1952 թ. ծնված Պերճիկ Շաբոյանը և հայտնել, որ Արարատի մարզի Գոռավան գյուղի բնակիչ, հանցավոր աշխարհում որպես «օրենքով գող» հայտնի, 1960 թ. ծնված, «Մարսո» մականունով Մարզպետունի Պետրոսյանի հետ անձնական հարցեր պարզելու համար նույն օրը գնացել է Գոռավան և ժամը 9.20-ի սահմաններում, նրա տան մուտքի մոտ, իր անունով հաշվառված 12 մմ տրամաչափի որսորդական հրացանով, սպանելու նպատակով, կրակել է Պետրոսյանի վրա:
Բաժնում Պ. Շաբոյանը ներկայացրել է որսորդական հրացան և 12 մմ տրամաչափի 3 փամփուշտ:
Մ. Պետրոսյանը տեղափոխվել է Վեդի քաղաքի հիվանդանոց, որտեղ մահացել է:
Պ. Շաբոյանը ձերբակալվել է:
Կատարվում է նախաքննություն:

ՀՀ Ոստիկանության լրատվության և հասարակայնության հետ կապերի վարչություն


 

Այս խորագրի վերջին նյութերը