Հունիսի 21-ին լրանում է ՀՀ ոստիկանության զորքերի 17 տարին։ 17 տարի առաջ ներքին գործերի համակարգում ստեղծվեցին Ներքին զորքերը, այսօր՝ Ոստիկանության զորքեր:

Այդ տարեդարձին նվիրված հանդիսավոր արարողություն է տեղի ունեցել ոստիկանության զորքերի հրամանատարության զորահրապարակում՝ Զորքերի ստորաբաժանումների և զինվորական նվագախմբի մասնակցությամբ:
Զորահանդեսն ընդունել է ՀՀ ոստիկանության պետ, ոստիկանության գեներալ-մայոր Ալիկ Սարգսյանը:
ՀՀ նախագահի հրամանագրով՝ Զորքերի հրամանատար, գեներալ-մայոր Գարիկ Գաբրիելյանը պարգևատրվել է Արիության մեդալով:
ՀՀ ոստիկանության պետի, պաշտպանության նախարարի և ազգային անվտանգության ծառայության տնօրենի հրամաններով պարգևատրվել են Ոստիկանության զորքերի մի խումբ ծառայողներ: