Այսօր լրագրողների հետ հանդիպման ժամանակ քաղաքական տեխնոլոգիաների փորձագետ Արմեն Բադալյանն անդրադառնալով կադրային փոփոխություններին՝ ասել է, որ դրանք PR տեխնոլոգիաների արդյունք են։ Նրա կարծիքով՝ իրականում ոչ մի արտառոց փոփոխություններ չկան, ուղղակի մեկ պաշտոնյան մի զբաղեցրած պաշտոնից անցել է մյուս պաշտոնի, որը սակայն օգտագործվել է PR-ի մեջ։ Բադալյանի խոսքերով՝ Գագիկ Բեգլարյանի հետ կապված իրադարձությունները սև PR էին, երբ ամբողջ ինֆորմացիոն դաշտով տարածվեցին նախագահի արարողակարգի աշխատակցին ծեծելու մասին լուրը, որը կարող էր և իրականությանը չհամապատասխանել և հնարովի լինել, բայց հասարակությունը հավատալու էր դրան։