ՀՀ ազգային վիճակագրական ծառայության միջազգային սահմանահատումների վերաբերյալ հրապարակած տվյալների համաձայն՝ 2013թ. առաջին կիսամյակում միջազգային ուղևորահոսքերի բացասական մնացորդը, (հանրապետությունից մեկնումների թվի գերազանցումը հանրապետություն ժամանումների թվին) նախորդ տարվա նույն ժամանակահատվածի համեմատ, ավելացել է 21,1 հազարով կամ 28,6 %-ով և կազմել -95,0 հազար մարդ:

ՀՀ միգրացիոն պետական ծառայությունից տեղեկանում ենք, որ երկրորդ եռամսյակում միջազգային ուղևորահոսքերի բացասական մնացորդը կազմել է 57,9 հազար մարդ, նախորդ տարվա երկրորդ եռամսյակի 45,8 հազարի դիմաց:

2013թ-ի առաջին կիսամյակում ուղևորահոսքերի ընդհանուր ծավալը նախորդ տարվա նույն ժամանակահատվածի համեմատ ավելացել է 220,8 հազար մարդով կամ 12,8%-ով և կազմել 1939,0 հազար մարդ:

Օդային տրանսպորտով սահմանը հատած ուղևորների տեսակարար կշիռը ուղևորահոսքերի ընդհանուր ծավալում կազմել է 38,2%՝ նախորդ տարվա նույն ժամանակահատվածի 45,4%-ի դիմաց։

7or.am