ՀՀ քաղաքացուն կասկածում են, թե նա մահու չափ ծեծել է իր տարեց հարազատներին։ Ստացված վնասվածքներից նրանք հիվանդանոցում մահացել են։ Պետերբուրգի քննչական ծառայության մամուլի բաժնից տեղեկացնում են, որ հարուցվել է քրեական գործ՝ համաձայն որի այս տարվա հունվարի 4-ին գործազուրկ Սիրանուշ Իգիթյանն իր հեռավոր հարազատներին՝ 90-ամյա տղամարդուն և 88-ամյա կնոջը հյուր է գնացել։ Ծագած վիճաբանության ժամանակ Իգիթյանը թավայով հարվածել է տղամարդու գլխին, լաթ է մտցրել կնոջ բերանը և նրան անկողնուց ցած նետել։ Դրանից հետո Իգիթյանը 20 հազար ռուբլի է գողացել ու թաքնվել։