Հունգարացի գրոսմայստեր Պետեր Լեկոն Ջերմուկում անցկացվող «ՖԻԴԵ»-ի Գրան-Պրիի առաջնության 5-րդ փուլում դարձել է միանձնյա լիդեր։

Հերթական պարտիայում Լեկոն հաղթել է բուլղարացի Իվան Չեպարինովին և հավաքել է 5 միավոր։

Կես միավորով առաջատարից ետ են մնում ուզբեկ Ռուստամ Կասիմժանովը և ուկրաինացի Վասիլի Իվանչուկը, որոնք իրար հետ խաղացել են ոչ ոքի։ Լևոն Արոնյանը սևերով զիջել է ուկրաինացի Պավել Էլյանովին՝ կրելով մրցաշարում իր երկրորդ պարտությունը։

Մրցաշարի մյուս տվյալները. Գատա Կամսկի (ԱՄՆ)- Եվգենի Ալեքսեև (Ռուսաստան)-0։1, Սերգեյ Կարյակին (Ռուսաստան)-Վլադիմիր Հակոբյան (Հայաստան)-1։0, Էտեն Բակրո (Ֆրանսիա)-Դմիտրի Յակովենկո (Ռուսաստան)-1։0, Բորս Գելֆանդ (Իսրայել)-Էռնեստո Ինարկիև (Ռուսաստան)-1։0։

Առաջատարների միավորները 7 մրցափուլերից հետո. Լեկո՝ 5 միավոր։ Իվանչուկ, Կասիմժանով՝ յուրաքանչյուրը 4,5–ականմիավոր։ Արոնյան, Գելֆանդ, Կարյակին, Ալեքսեև, Էլյանով՝ յուրաքանչյուրը 4-ական միավոր։