Ս.թ-ի սեպտեմբերի 5-ից 10-ը ՀՀ մարդու իրավունքների պաշտպան Արմեն Հարությունյանը պաշտոնական այցով կմեկնի Քվեբեկ, Կանադա՝ առաջին անգամ մասնակցելու Ֆրանկոֆոն  օմբուդսմանների և հաշտարարների ընկերակցության 7-րդ համագումարին, որտեղ ՀՀ Մարդու իրավունքների պաշտպանի հաստատության անդամակցումը կվավերացվի ընկերակցության գլխավոր ասամբլեայի կողմից: Գլխավոր համագումարը կանցնի «Օմբուդսմանը, քաղաքականությունը և արդարադատությունը. դեպի մարդու իրավունքների ազատ կիրառում» խորագրով:

Ֆրանկոֆոն  օմբուդսմանների և հաշտարարների ընկերակցությունը ստեղծվել է 1998թ. և այժմ ունի 56 անդամ: Ընկերակցության նախագահն է Նյու-Բրանսվիքի (Կանադա) Օմբուդսմանը: Ընկերակցությունը Մարդու իրավունքների և օրինական կառավարման  ֆրանկոֆոնյան միջազգային կազմակերպության գործընկերն է:

Վերոնշյալ ընկերակցության գործունեությունը ուղղված է Օմբուդսմանների հաստատությունների հզորացմանը, վերջիններիս ստեղծմանն այն երկրներում, որտեղ նման հաստատությունները դեռ բացակայում են, ինչպես նաև փորձի փախանակման աջակցությանը:  Ֆրանկոֆոն  օմբուդսմանների և հաշտարարների ընկերակցությունը կազմակերպում է իր համագումարները երկու տարին մեկ՝ հյուրնկալելով շուրջ 50  Օմբուդսման և Հաշտարար  աշխարհի 35 երկրներից: