«Ռոսիա 24» հեռուստաալիքին տված հարցազրույցում Իրանի նախագահ Հասան Ռոուհանին հայտել է, որ միջուկային ծրագրի հարցով Իրանի և «վեցնյակի» միջև համաձայնությունը կարող է ձեռք բերվել մինչև այս տարվա վերջ։

«Մենք ամենայն լրջությամբ շահագրգռված ենք պայմանավորվածության հասնելու հարցում։ Եթե հակառակ կողմը նույն կերպ է տրամադրված, ապա կարող ենք համաձայնության գալ»,- ասել է Ռոուհանին։

Իրանի նախագահը նաև նշել է, որ բանակցություններում վճռականություն ցուցաբերելու ցանկությունն առաջին հերթին վերաբերում է ԱՄՆ-ին, որը շատ է դանդաղում՝ չնայած նրան, որ բոլոր կողմերը հասկանում են կարճ ժամկետներում համաձայնության գալու կարևորությունը։