Քրդական ինքնապաշտպանական ուժերը վերջին տաս օրվա ընթացքում «Իսլամական պետության» վարձկաններից 50 գյուղ են ազատագրել Քոբանի քաղաքի մոտակայքում։ Ինչպես չորեքշաբթի փոխանցել է «Firat» տեղեկատվական գործակալությունը, մոտ 350 բնակավայր դեռևս մնում է զինյալների վերահսկողության տակ։
Արևմտյան, հարավային և արևելյան ճակատներում ՔԻՈւ–ն մարտերի ընթացքում 30 վարձկան է ոչնչացրել։ Օդից ինքնապաշտպանական ուժերին աջակցում է միջազգային կոալիցիայի օդուժը, որը թիրախներին 11 հարված է հասցրել։
Տարածաշրջանային վարչության ղեկավար Անվար Մուսլիմի տվյալներով՝ քաղաքի մերձակա տարածքը մաքրվել է 10-15 կմ շառավղով։ Սակայն Քոբանիից Թուրքիա փախած մարդկանց վերադարձը դեռևս չի սկսվել. Քոբանիի շենքերի 90 տոկոսն ավերվել է։

Տեղեկացնում է «ՏԱՍՍ»–ը։