Կինը, որի հետ գտնվում էր Բորիս Նեմցովը սպանության պահին, Ուկրաինայի քաղաքացի է։

«Lifenews.ru»–ն նշում է, որ նա Մոսկվայից Շվեյցարիա է ուղղվել՝ ազատվելու Նեմցովի հնարավոր ժառանգից։

«Մենք չենք բացառում, որ բախումը կենցաղային է», – նշել է խմբագրության բարձրաստիճան աղբյուրն իրավապահ մարմիններում։

Խոսքը մոդել Աննա Դուրիցկայայի մասին է, որը դարձել է սպանության միակ ականատեսը։ «LifeNews»–ի տեղեկատվությամբ՝ աբորտի համար նույնպես Նեմցովն է վճարել։

Բացի այդ, հետաքննությունը չի բացառում, որ սպանության պատճառ կարող էր լինել նաև գումարը, որը զոհված քաղաքական գործիչը ստանում էր արտերկրից։

«Բորիս Նեմցովը քանիցս մեկնել է Ուկրաինա և այնտեղ ակտիվ շփվել, այսպես կոչված, «պատերազմի կուսակցության» ներկայացուցիչների հետ, որոնց նպատակն իշխանափոխությունն է Ռուսաստանում։ Նրանք կարող էին նրան միջոցներ տալ Ռուսաստանում իրավիճակն ապակայունացնելու համար»,– պատմել է հետաքննչական խմբի անդամներից մեկը։

Սպանության երրորդ վարկածը նույնպես քաղաքական բնույթ է կրում։

«Սպանության նպատակը կարող էր լինել սադրանքը, որի օգնությամբ ընդդիմախոսները ցանկանում էին հարվածել գործող իշխանությանը։ Հնարավոր է՝ արտաքին և ներքին ընդդիմախոսներն ընտրել են Նեմցովին որպես «զոհ», որը կնպաստի ապակայունացմանը Ռուսաստանում», – ասել է զրուցակիցը։

ՌԴ նախագահ Վլադիմիր Պուտինը ցավակցություն է հայտնել զոհվածի ընտանիքին և հայտարարել, որ սպանությունը կրում է պատվիրված և սադրիչ բնույթ։

Հիշեցնենք՝ ռուսաստանցի քաղաքական և պետական գործիչ, Յարոսլավսկի նահանգային դումայի պատգամավոր Բորիս Նեմցովը սպանվել է Մոսկվայի կենտրոնում փետրվարի 28-ին։

7or.am