«112 Украина» հեռուստաալիքի տեղեկացմամբ՝ նախօրեին Թուրքիայի նախագահ Ռեջեփ Թայիբ Էրդողանը պաշտոնական այցով ժամանել է Ուկրաինա։ Վերջինի նախագահ Պյոտր Պորոշենկոն Էրդողանի հետ մամուլի ասուլիսին հայտարարել է, որ Թուրքիան 10 մլն դոլարի մարդասիրական օգնություն է հատկացրել Ուկրաինային։

Նշվում է, որ հանդիպմանը ստորագրվել են երկու երկրների համագործակցությանն առնչվող մի շարք փաստաթղթեր։

Թուրքիայի նախագահը հանդիպել է նաև Ուկրաինայի վարչապետ Արսենի Յացենյուկի հետ:

Հիշեցնենք՝ Էրդողանն Ուկրաինա այցելելուց առաջ հեռախոսազրույց էր ունեցել Ռուսաստանի նախագահ Վլադիմիր Պուտինի հետ։

7or.am