Աշխարհ

25.03.2015 13:52


Կանդելակիին մեղադրում են փողերի լվացման համար

Կանդելակիին մեղադրում են փողերի լվացման համար

Ազգությամբ վրացի, ռուսաստանաբնակ հաղորդավարուհի Թինա Կանդելակիի ղեկավարած «Ապոստոլ» ընկերությունը զարտուղի ճանապարհով տենդեր է շահել Նոր Մոսկվայի բրենդը ստեղծելու համար։ Այս մասին, «Կորեսպոնդենտ»–ի փոխանցմամբ, ֆեյսբուքյան իր էջում գրել է «Ռուսաստանի հանրապետական կուսակցություն-ժողովրդական ազատության կուսակցության» քաղխորհրդի անդամ Իլյա Յաշինը։

Վերջինի հավաստմամբ՝ 2014թ. նոյեմբերի 24-ին Մոսկվայի գլխավոր պլանի ինստիտուտը տենդեր էր հայտարարել Նոր Մոսկվայի բրենդի ստեղծման համար։ Չնայած այն փաստին, որ որոշ թեկնածուներ համաձայնել են իրականացնել նախագիծը 9.4 մլն ռուբլով, տենդերը շահել է «Ապոստոլ» ընկերությունը՝ իր ծառայությունների համար պահանջելով 15 մլն ռուբլի։

Յաշինը հրապարակել է պետգնումների կայքում տեղադրված նախագծի պատճենը, որում աշխատանքի փուլերի ամսաթվերի անհամապատասխանություններ կան, և ընդգծել՝ կոպիտ խախտումների մասին նյութերի հետագա ուսումնասիրությամբ կզբաղվեն Հակամենաշնորհային դաշնային ծառայությունը և դատախազությունը։

7or.am

Այս խորագրի վերջին նյութերը