Չիտայում՝ սեփական բնակարանում, կախվելու միջոցով ինքնասպանություն է գործել Հայրենական մեծ պատերազմի վետերան, մոսկովյան «Լոկոմոտիվ»–ի նախկին ֆուտբոլիստ Յուրի Կելյակը, որի 100–րդ տարին լրանալու էր 2015–ին։

Ինչպես գրում է «Գազետա»–ն, Չիտայի տարածքային քննչական վարչությանը հղումով, թոշակառուն ավելի վաղ հայտարարել էր, որ ուզում է վերջ տալ կյանքին, որովհետև ձանձրացել է ապրելուց։

1930–ից Կելյակը խաղում էր չիտայական «Լազո», «Սվյազիստ», «Զոլոտո ի պլատինա» ֆուտբոլային ակումբներում, 1934–ին մտավ Սիբիրի և Հեռավոր Արևելքի հավաքական, 1940–ին խաղացել է Մոսկվայի «Լոկոմոտիվ»–ի կազմում։

Պարգևատրվել է Հայրենական պատերազմի 2–դ աստիճանի շքանշանով։

7or.am