Ռուս ցանցահենները ԱՄՆ պետքարտուղարության միջոցով կոտրել են Սպիտակ տան համակարգչային ցանցը: Ինչպես տեղեկացնում է «CNN»-ը, կիբերհանցագործներին հասանելի են դարձել գաղտնի տեղեկությունները, մասնավորապես՝ ոչ հրապարակային տեղեկատվությունը ԱՄՆ նախագահի օրակարգի վերաբերյալ։

Ամերիկյան պաշտոնյաների գնահատմամբ՝ նման տեղեկությունները բավականին բարձր են գնահատվում օտարերկրյա հատուկ ծառայությունների կողմից: Նշվում է նաև, որ հարձակումը կատարվել է աշխարհի տարբեր կետերից:

Այժմ ՀԴԲ-ն և մի շարք այլ ամերիկյան հատուկ ծառայություններ ուսումնասիրում են տեղի ունեցածը:

7or.am