Ռոուհանի.«Եթե «վեցնյակն» անհրաժեշտ վճռականություն դրսևորի, շուտով միջուկային ծրագրի շուրջ համաձայնագիր կկնքվի»
Եթե «վեցնյակն» անհրաժեշտ վճռականություն դրսևորի, ապա մոտ ամիսներին հնարավոր կդառնա Իրանի միջուկային ծրագրի շուրջ համաձայնագիր կնքել: Ինչպես տեղեկացնում է «ՏԱՍՍ»-ը, այս մասին Թեհրանում տարբեր շրջանների աշխատողների հետ հանդիպման ժամանակ հայտարարել է Իրանի նախագահ Հասան Ռոուհանին:
«Եթե երկրորդ կողմի մտադրությունները լուրջ լինեն, Իրանի միջուկային ծրագրի շուրջ համաձայնագիրը կկնքվի արդեն մոտ ամիսներին: Համաձայնագիրն ուժի մեջ մտնելուց հետո արտադրության զարգացման պայմաններն Իրանի համար շատ ավելի բարենպաստ կլինեն», - ընդգծել է Ռոուհանին:
Իրանի նախագահը նաև հերքել է այն պնդումները, թե Իրանի միջուկային ծրագրի շուրջ առճակատման ավարտն Իրանի ներկա կառավարության միակ առաջնահերթությունն է` նշելով, որ միջուկային խնդրի լուծումն ընդամենն առաջին քայլն է երկրում առկա սկզբունքային խնդիրների լուծման ճանապարհին:
Միևնույն ժամանակ, Ռոուհանին հիշեցրել է, որ Իրանի գլխավոր նպատակը «վեցնյակի» հետ բանակցություններում հնարավորություն ստանալն էր՝ աշխարհին ապացուցելու, որ Իրանի միջուկային ծրագիրը ռազմական բնույթ չունի, և որ Իրանը կործանարար միջուկային ռումբ չի ստեղծել:
.jpg)
Ռոուհանի.«Եթե «վեցնյակն» անհրաժեշտ վճռականություն դրսևորի, շուտով միջուկային ծրագրի շուրջ համաձայնագիր կկնքվի»
Եթե «վեցնյակն» անհրաժեշտ վճռականություն դրսևորի, ապա մոտ ամիսներին հնարավոր կդառնա Իրանի միջուկային ծրագրի շուրջ համաձայնագիր կնքել: Ինչպես տեղեկացնում է «ՏԱՍՍ»-ը, այս մասին Թեհրանում տարբեր շրջանների աշխատողների հետ հանդիպման ժամանակ հայտարարել է Իրանի նախագահ Հասան Ռոուհանին:
«Եթե երկրորդ կողմի մտադրությունները լուրջ լինեն, Իրանի միջուկային ծրագրի շուրջ համաձայնագիրը կկնքվի արդեն մոտ ամիսներին: Համաձայնագիրն ուժի մեջ մտնելուց հետո արտադրության զարգացման պայմաններն Իրանի համար շատ ավելի բարենպաստ կլինեն», - ընդգծել է Ռոուհանին:
Իրանի նախագահը նաև հերքել է այն պնդումները, թե Իրանի միջուկային ծրագրի շուրջ առճակատման ավարտն Իրանի ներկա կառավարության միակ առաջնահերթությունն է` նշելով, որ միջուկային խնդրի լուծումն ընդամենն առաջին քայլն է երկրում առկա սկզբունքային խնդիրների լուծման ճանապարհին:
Միևնույն ժամանակ, Ռոուհանին հիշեցրել է, որ Իրանի գլխավոր նպատակը «վեցնյակի» հետ բանակցություններում հնարավորություն ստանալն էր՝ աշխարհին ապացուցելու, որ Իրանի միջուկային ծրագիրը ռազմական բնույթ չունի, և որ Իրանը կործանարար միջուկային ռումբ չի ստեղծել:
7or.am