Քաղաքական

08.05.2015 11:58


Էրդողանը բողոքել է Գյուլից՝ Երևան այցելության համար

Էրդողանը բողոքել է Գյուլից՝ Երևան այցելության համար

Թուրքիայի նախագահ Ռեջեփ Թայիփ Էրդողանը 2008թ. սեպտեմբերի 6-ին Երևան նախկին նախագահ Աբդուլլա Գյուլի կատարած այցը սխալ է համարում։

Այս մասին լրագրողներին ասել է պատմաբան Մուսթաֆա Արմաղանը նախագահական նստավայրում պատմաբանների և Էրդողանի համատեղ քննարկումից հետո։

«Միլլեթ»–ը հայտնում է, որ Մուսթաֆա Արմաղանը հավելել է. «Ֆուտբոլ դիտելու համար Երևան Աբդուլլա Գլուլի այցելությանը նախագահ Էրդողանը հավանություն չի տալիս»։

«Haberler»-ն էլ տեղեկացնում է, որ նույն այդ հանդիպման ժամանակ Էրդողանն իր բացասական վերաբերմունքն է արտահայտել ՌԴ նախագահ Վլադիմիր Պուտինին՝ Հայոց ցեղասպանության 100-րդ տարելիցի կապակցությամբ Հայաստան նրա այցելության համար։

Էրդողանը Պուտինի հետ հեռախոսազրույցի ժամանակ հայտնել է, որ ինքը նեղսրտել է, քանի որ դա վնասել է իրենց հարաբերություններին։

Նշենք, որ Էրդողանը պատմաբաններին հավաքել էր 1915 թվականի «իրադարձությունները» քննարկելու համար։

7or.am

Այս խորագրի վերջին նյութերը