Տնտեսական

28.05.2015 13:27


Գ. Բեգլարյան. «Բողոքում են այնպիսի վարորդներ, որոնք ունեն անձնական խնդիրներ»

Գ. Բեգլարյան. «Բողոքում են այնպիսի վարորդներ, որոնք ունեն անձնական խնդիրներ»

Տաքսու վարորդների կողմից առաջարկներ են լինում, որոնք անընդունելի են, իրար հակասող։ Այս մասին այսօր լրագրողներին ասել է ՀՀ տրանսպորտի և կապի նախարար Գագիկ Բեգլարայանը:

–Բողոքում են տաքսու վարորդների մի քանի փոքրիկ խմբեր, որոնք ունեն անձնական խնդիրներ... Բողոքողների խումբն այնպիսի առաջարկներ է անում, որոնք իրագործելու դեպքում կավելացնեն վարորդների բեռը, մյուս խումբը՝ հակառակը,– ասել է Բեգլարյանը։

Նախարարի խոսքերով՝ մի խումբը հօգուտ ժողովրդի է խոսում, այսինքն՝ տաքսուց օգտվողների համար, մյուսը՝ միայն վարորդների, որոնք ընդհանրապես ոչինչ չեն ուզում վճարել։

Բանախոսի հավաստմամբ՝ ՀՀ տրանսպորտի և կապի նախարարությունը պատրաստվում է բոլոր տարաձայնությունները քննարկելուց հետո կայացնել բոլորին հարմար որոշում:

Նախարարը նաև նշել է, որ վարորդների բարձրաձայնած խնդիրների մեջ կան և՛ հորինված, և՛ իրական, լուծվող ու չլուծվող խնդիրներ:

Հիշեցնենք՝ ըստ տաքսիների լիցենզավորման նոր կարգի՝ 2014թ. դեկտեմբերի 25-ից մասնավոր տաքսիների դեղին համարանիշները փոխվել են սպիտակի, տաքսի ծառայություն մատուցող մասնավոր ավտոմեքենաների դիմապակիների վրա պետք է փակցված լինեն ինքնակպչուն տարբերանշաններ, լիցենզիա ստանալու համար էլ ամսական առավելագույն վճար է սահմանվել 12 հազար դրամը։

7or.am

Այս խորագրի վերջին նյութերը