Բրիտանիայում 103 տարեկան հասակում մահացել են ամենատարեց երկվորյակ քույրերը՝ Ֆլորենսն ու Գլենիսը։ Անբաժան կանայք կյանքից հեռացել են մեկ ամիս տարբերությամբ։ Նրանք մշտապես ապրել են հարևանությամբ գտնվող տներում և երբեք դուրս չեն եկել հարազատ Աբերտրիդուր գյուղի սահմաններից։

«The Telegraph»–ը հայտնում է, որ Ֆլորենսն ու Գլենիսը ծնվել են 1911թ.՝ Գեորգ V–ի թագադրման տարում, և «Տիտանիկի» խորտակվելուց 12 ամիս առաջ։

Գլենիսն ուներ մեկ դուստր, 3 թոռ և 10 ծոռ։ Ֆլորենսը՝ 3 զավակ, 9 թոռ և 12 ծոռ։

Քույրերն այնքան են սիրել իրար, որ նույնիսկ խոհանոցում լրացուցիչ դուռ էին դրել դեպի փողոց, որպեսզի ավելի հեշտ լիներ միմյանց հյուր գնալը։

7or.am