Եգիպտական բանակը սկսել է հետ մղել այդ երկրի նախագահ Հոսնի Մուբարաքի կողմնակիցներին Կահիրեի գլխավոր հրապարակից, որը վերջերս ընդդիմադիր ցույցերի կենտրոն է դարձել։ Ինչպես հաղորդվում է, զինվորները ծանր զրահատեխնիկա են օգտագործում, այդ թվում նաև տանկեր, որ ուժով հետ մղեն գործող իշխանության կողմնակիցներին։ Այս մասին տեղեկացնում է արաբական «Ալ-Ջազիրա» հեռուստաընկերությունը։

Նախօրեին Թահրիր հրապարակում տեղի էին ունեցել  զանգվածային բախումներ նախագահի կողմնակիցների և հակառակորդների միջև։