Աշխարհ

15.06.2015 09:40


Վարշավան հաստատել է Արևելյան Եվրոպայում ծանր սպառազինություն տեղակայելու ԱՄՆ ծրագիրը (տեսանյութ)

Վարշավան հաստատել է Արևելյան Եվրոպայում ծանր սպառազինություն տեղակայելու ԱՄՆ ծրագիրը (տեսանյութ)

«Վեստի»–ի փոխանցմամբ՝ Վարշավան հաստատել է ԱՄՆ ծրագրերը՝ Արևելյան Եվրոպայում ծանր սպառազինություն տեղակայելու վերաբեյալ։

Սկզբում այդ մասին հայտնել էր «The New York Times»–ը՝ Պենտագոնի իր անանուն աղբյուրին հղումով։ Լրագրողների տվյալներով՝ Վաշինգտոնը մտադիր է Մերձբալթիկայում, Լեհաստանում, Ռումինիայում և շարք այլ երկրներում տանկեր, զրահափոխադրիչներ և ծանր հրետանի տեղակայել։ Բացի այդ, նշված վայրերում ծրագրվում է նաև մոտ 5 հազ զինվորական բնակեցնել։

Նման սպառազինության մատակարարմանն արդեն հավանություն է տվել Լիտվան։

Աղբյուրը նշում է, որ ռազմական խմբավորումների ուժեղացման մասին տեղեկատվությունը հայտնվել է Բալթիկայում ներկայումս անցկացվող ՆԱՏՕ–ի զորավարժությունների համապատկերին, որոնցում ներգրավված են կազմակերպության 14 անդամ–երկրների 49 նավ և 61 ինքնաթիռ։ Մանևրներն անցկացվում են նաև ցամաքում՝ Շվեդիայում, Գերմանիայում և Լեհաստանում։

Միացյալ հրամանատարության խոսքերով՝ զորավարժությունների նպատակն է ընդգծել Բալթյան տարածաշրջանի անվտանգության համակարգում ռազմածովային ուժերի դերակատարությունը։

7or.am

Այս խորագրի վերջին նյութերը