«Fandango Movieclips» ընկերության մասնագետները գնահատել են իրական «Յուրայի դարաշրջանի այգու» ստեղծման համար անհրաժեշտ գումարի չափը: Այս մասին հայտնում է «The Independent»-ը:

Իր հետազոտությունների ընթացքում «Fandango Movieclips»-ը հաշվի է առել Կոստա Ռիկայի մոտակայքում գտնվող կղզիների գինը, Կալիֆոռնիայում գտնվող շների կլոնավորման կազմակերպությունների գնացուցակը, ինչպես նաև աշխարհի ամենաթանկ զվարճանքի զբոսայգիների գները:

Մասնագետների հաշվարկներով՝ Սթիվեն Սփիլբերգի 1993թ. կինոնկարի հայտնի այգու ստեղծումը կարժենա մոտ 23,4 մլրդ դոլար, իսկ այն պահելու համար տարեկան մոտ 11,9 մլրդ դոլար է անհրաժեշտ: Նշվում է, որ Կոստա Ռիկայի մոտակայքում 2 կղզիների գինը կազմում է մոտ 10 մլրդ դոլար, իսկ բուն այգու ստեղծումը կարժենա մոտ 1,5 մլրդ: Ծախսերի ամենամեծ մասը կազմում է դինոզավրերի կլոնավորման տեխնոլոգիաների ստեղծումը՝ 25,4 մլրդ դոլար, իսկ կենդանիների նախնական ստեղծման համար անհրաժեշտ է մոտ 1,5 մլրդ դոլար:

7or.am