Ֆրանսիայի նախագահ Ֆրանսուա Օլանդն ու Գերմանիայի կանցլեր Անգելա Մերկելը ծրագրում են այսօր երեկոյան Փարիզում քննարկել հունական հանրաքվեի արդյունքները։

«Ելիսեյան պալատում կայանալիք հանդիպումը Ֆրանսիայի և Գերմանիայի համագործակցության շարունակությունն է Հունաստանին օգնելու ծրագրի շուրջ»,– «Reuters»–ի փոխանցմամբ՝ ասել է Օլանդը։

«Ընթրիքի սեղանին Մերկելն ու Օլանդը կքննարկեն հանրաքվեից հետո ստեղծված իրավիճակը և նշված խնդրով գերմանա–ֆրանսիական համագործակցության շարունակությունը»,–հայտարարել է Մերկելի մամուլի քարտուղար Շթեֆֆեն Զայբերթը։

Ավելի վաղ հայտնի էր դարձել, որ հույները դեմ են քվեարկել վարկատուների առաջարկներին. 59,7%–ը դեմ է, մոտ 40,3%–ն էլ աջակցում է վարկատուների՝ ֆինանսական օգնությունը երկարաձգելու պահանջներին։

7or.am