Մալազիայի վարչապետ Նաջիբ Ռազակը հայտնի «The Wall Street Journal»-ի դեմ դատական հայց ներկայացնելու հնարավորությունն է դիտարկում: Ինչպես տեղեկացնում է «Reuters»-ը, պատճառն ամսագրում հրապարակված հոդվածն է, որում Ռազակը մեղադրվում է ընդհանուր առմամբ 700 մլն դոլար կաշառք ստանալու մեջ:

«Ես այդ հարցը փոխանցել եմ իմ փաստաբաններին, և մոտակա ժամանակահատվածում նրանք խորհուրդ կտան, թե ինչպես պետք է վարվել այս իրավիճակում: Դատական հայցը կարող է ներկայացվել թե՛ տեղական, թե՛ այլ պետության տարածքում գտնվող դատարան», - հայտարարել է վարչապետը:

Ռազակին մոտ կանգնած աղբյուրները հայտնում են, որ դատական հայցը հնարավոր է՝ ներկայացվի հուլիսի 7-ին:

7or.am