Իրանի նախագահ Հասան Ռոուհանին ստորագրել և կատարման համար Իրանի ԱԳՆ–ին և Ատոմային էներգիայի կազմակերպությանն է փոխանցել իրանական միջուկային բանակցությունների շրջանակներում երկրի իրավունքների պաշտպանության մասին օրենքը։

Ինչպես գրում է «Գազետա»–ն՝ «Tasnim News Agency»–ին հղումով, օրինագիծը խորհրդարանը հավանության էր արժանացրել հունիսի 23-ին. օրենքի ընդունմանը կողմ է քվեարկել 244 խորհրդարանականից 213–ը։

Համաձայն օրենքի տեքստի՝ Իրանն ընդունում է միջազգային միջնորդների վեցնյակի համաձայնեցրած պայմաններն այն դեպքում, եթե երկրի նկատմամբ պատժամիջոցները չեղարկվեն նույն օրը։

Բացի այդ, օրենքի տեքստում նշվում է, որ խաղաղ միջուկային տեխնոլոգիաների վրա սահմանափակումները չեն տարածվում։

7or.am