Մարդու իրավունքների պահպանման Մոնիթորինգի սիրիական կենտրոնը հաղորդել է, որ թուրքական տանկերը երկրի հյուսիսում սիրիական գյուղ են հրետակոծել, որը վերահսկում են քրդական ուժերը: Այս մասին հաղորդում է «РИА Новости»-ն՝ «Ֆրանս Պրեսս»-ին հղումով:

Իրավապաշտպանները հաղորդել են, որ հրետակոծումը տեղի է ունեցել գիշերը Զոր Մաղար գյուղում՝ Թուրքիայի հետ սահմանից ոչ հեռու. պատահարի արդյունքում քրդական ուժերից չորս մարդ է տուժել:
Թուրքիան հուլիսի 24-ին ռազմական գործողություն է սկսել «Իսլամական պետության» զինյալների դեմ Սիրիայում և Քրդստանի բանվորական կուսակցության դեմ՝ արգելված Թուրքիայում, Իրաքի հյուսիսում:

Աղբյուրը՝ «Zham.am»