Աշխարհ

29.07.2015 18:15


Սան Ֆրանցիսկոն այնպես կներկեն, որ այլևս չմիզեն պատերին (լուսանկար)

Սան Ֆրանցիսկոն այնպես կներկեն, որ այլևս չմիզեն պատերին (լուսանկար)

ԱՄՆ Սան Ֆրանցիսկո քաղաքի իշխանությունները որոշել են լուրջ պայքար մղել այն մարդկանց դեմ, ովքեր միզում են պատերի վրա: Այդ նպատակով հանրային աշխատանքների վարչությունը փորձարկում է նոր՝ մեզը վանող ներկ։ Այս մասին տեղեկացնում է «Բի-Բի-Սի»-ն:

«Մենք ցանկանում ենք, որ մյուս անգամ հասարակական վայրում միզելուց առաջ մարդիկ երկու անգամ մտածեն: Մենք շատ զանգեր ենք ստանում այն մարդկանցից, ովքեր խնդրում են ներկել իրենց տան կամ թաղամասի տների պատերը», - հայտնել է վարչության ներկայացուցիչ Ռեյչել Գորդոնը:

Նշվում է, որ ներկա դրությամբ ներկվել է ընդամենը 9 պատ քաղաքի այն մասերում, որտեղ գտնվում են սրճարանները, կամ բնակվում են անօթևանները: Հատուկ ներկով պատված պատերի վրա անգլերենով, իսպաներենով և չինարենով գրառումներ են կախել, որոնցով կոչ է արվում զսպել ցանկությունը, և միզելու համար ավելի համապատասխան վայր ընտրել:

Գորդոնի խոսքերով՝ քաղաքի բյուջեի համար ավելի էժան է մեկ անգամ ներկել պատերը հատուկ ներկով, քան անընդհատ աշխատողներին ուղարկել պատերը լվանալու համար: Նա նաև նշել է, որ Սան Ֆրանցիսկոյի իշխանություններն աշխատում են հնարավորինս ավելացնել հանրային զուգարանների թիվը։

7or.am

Այս խորագրի վերջին նյութերը