Ինչպես հայտնել էինք, այսօր առավոտյան Մասիս քաղաքի բնակիչներից «7or.am»–ն ահազանգ էր ստացել, որ խոշոր ցնցում են զգացել քաղաքում և շրջակա գյուղերում։ Վախեցած բնակիչներն արագ դուրս են եկել բնակարաններից ու տներից։

Կապ հաստատելով ՏԿԱԻՆ Փրկարարական ծառայության ղեկավարի տեղակալ Նիկոլայ Գրիգորյանի հետ՝ տեղեկացանք, որ ցնցումը պայթյունի հետևանք է եղել. երկրաշարժ չի գրանցվել։ Գրիգորյանը նշել էր, որ պայթյունը ՀՀ–ո՛ւմ չի որոտացել։

Քիչ հետո ՏԿԱԻՆ–ից հայտնեցին, որ այսօր՝ ժամը 09.46-ին, ահազանգ է ստացվել, որ Արարատի մարզի Ռանչպար գյուղում պայթյունի ձայն է լսվել:

Պարզվել է, որ պայթյունը տեղի է ունեցել Արարատի մարզի Նորամարգ գյուղից 5 կմ հեռավորության վրա` Թուրքիայի տարածքում:

«1tv.ru»–ն էլ հայտնում է, որ պայթեցվել է ոստիկաններ տեղափոխող ավտոբուսը։ 12 մարդ զոհվել է, 4–ը՝ վիրավորվել։

7or.am