Մեծ Բրիտանիայում արշավ է մեկնարկել, որով կոչ է արվում դադարեցնել արհեստական բանականությունով սեքս ռոբոտների ստեղծումը: Այս մասին տեղեկացնում է «The Independent»-ը:

Արշավի ղեկավար Քեթլին Ռիչարդսոնը՝ Լեսթերի Մոնֆորտի համալսարանից, պնդում է, որ սեռական հարաբերություններում ռոբոտների օգտագործումը ամրապնդում է գենդերային անհավասարությունը` ցույց տալով, որ կինը ձայնի իրավունքից զրկված խոնարհ օբյեկտ է:

Բացի այդ, ռոբոտների օգտագործումը նվազեցնում է էմպատիան և շեղում մարդուն այլ մարդկանց հետ հարաբերություններ ունենալուց:

Ռիչարդսոնը նաև ընդգծել է, որ սեքս ռոբոտները նպաստում են մարմնավաճառության տարածմանը, քանի որ ռոբոտները ցույց են տալիս կնոջ և երեխաների «անլիարժեքությունը» և արդարացնում նրանց օգտագործումը որպես սեռական օբյեկտ:

7or.am