Գերմանիայում հերթական անգամ հրդեհել են փախստականների համար կառուցված ապաստարանը։ Այս մասին հայտնում է Bild–ը։

Հրդեհի պահին այնտեղ դեռևս որևէ մեկը բնակվելիս չի եղել, քանի որ նոր էր կառուցվել փախստականների համար։

Ոստիկանության տվյալներով՝ արդեն իսկ ապացույցներ են ձեռք բերվել, որ հրդեհը միտումնավոր է կազմակերպվել։ Ոստիկանությունը փնտրում է մեղավորներին։

Շինությունը հրդեհից զգալիորեն տուժել է, և այժմ փախստականներին տեղակայելու հարցը կասկածի տակ է առնվել։

Հիշեցնենք, որ մեկ ամիս առաջ Գերմանիայի հյուսիս-արևմուտքում անհայտ անձինք փախստականների ապաստարանի պատուհանից «Մոլոտովյան կոկտեյլ» էին նետել ներս։

7or.am