Մալազիայում ամերիկյան և ավստրալական դեսպանությունները նախազգուշացրել են իրենց քաղաքացիներին մայրաքաղաք Կուալա–Լումպուրում նախապատրաստվող հնարավոր ահաբեկչության մասին։ Այս մասին գրում է «Associated Press»–ը։

ԱՄՆ դեսպանատունը խորհուրդ չի տվել ամերիկացի զբոսաշրջիկներին այցելել քաղաքի կենտրոնում գտնվող Ալոր առտրային փողոցը և նրան հարակից թաղամասերը։

Դիվանագիտական առաքելությունից տեղեկացրել են, որ ահաբեկիչները կարող են գրոհել կարևոր ամսաթվերին, սակայն առավել ճշգրիտ մանրամասներ չեն հայտնել։

Նմանատիպ հաղորդագրություն է տարածել նաև Ավստրալիայի ներկայացուցչությունը։ Ոստիկանության պաշտոնական մեկնաբանությունները սպասվում են օրվա ընթացքում։

Նշենք, որ վերջին 2 տարվա ընթացքում Մալազիայում ձերբակալվել են «Իսլամական պետության» հարյուրավոր կողմնակիցներ, որոնցից ոմանց կասկածում են երկրում ահաբեկչություն կազմակերպելու մեջ։

7or.am