Աշխարհ

26.09.2015 10:35


Պլատինի. «Բլաթթերի գործում նշված վճարումներն արվել են ինձ՝ ըստ ՖԻՖԱ–ի հետ իմ գործարքի»

Պլատինի. «Բլաթթերի գործում նշված վճարումներն արվել են ինձ՝ ըստ ՖԻՖԱ–ի հետ իմ գործարքի»

ՈւԵՖԱ–ի նախագահ, ՖԻՖԱ–ի ղեկավարի թեկնածու Միշել Պլատինին կարծիք է հայտնել կազմակերպության գործող նախագահ Յոզեֆ Բլաթթերի դեմ շվեյցարական դատախազության հարուցած քրեական գործի մասին։

«Այն վճարումները, որոնց մասին նշվում է, կատարվել են այն աշխատանքի համար, որը ես արել եմ համաձայն ՖԻՖԱ–ի հետ իմ գործարքի։ Ուրախ եմ, որ հնարավորություն ունեմ այդ ամենը բացատրելու շվեյցարական իշխանություններին»,– «Թվիթթերի» իր էջում Պլատինիի խոսքերն է մեջբերում «Press Association»–ի լրագրող Մարտին Զիգլերը։

Ավելի վաղ հաղորդվել էր, որ Ֆուտբոլի ֆեդերացիայի նախագահ Յոզեֆ Բլաթթերին կասկածում են ՈւԵՖԱ–ի նախագահ Միշել Պլատինիին ապօրինի կերպով 2 մլն շվեյցարական ֆրանկ փոխանցելու մեջ։

7or.am

Այս խորագրի վերջին նյութերը