«Բասկերի երկիր և ազատություն» (ԷՏԱ) ահաբեկչական խմբավորման նախկին ղեկավար Արրոսպիդե Սարասոլան դատապարտվել է 94 տարվա ազատազրկման Իսպանիայում:

«ՏԱՍՍ»-ի փոխանցմամբ` 67-ամյա Սարասոլային ձերբակալել են ս.թ. հունվարին: Ըստ մեղադրող կողմի տեղեկությունների` 1987թ. Սարասոլան կազմակերպել է քաղաքացիական գվարդիայի մեքենայի պայթյունը Բարսելոնայում, ինչի հետևանքով մեկ մարդ զոհվել է, իրավապահ մարմինների 2 ներկայացուցիչ՝ վիրավորվել:

Նշվում է, որ ահաբեկչական կազմակերպության ավելի քան 50 տարվա գոյատևման ընթացքում մահացել է ավելի քան 800 հոգի: Իսպանիայի և Ֆրանսիայի իրավապահ մարմինները շարունակում են խմբավորման անդամների հետապնդումը:

7or.am