Եվրոպայում ներգաղթային ճգնաժամի հիմնական պատճառը Մերձավոր Արևելքում պետությունների կործանման քաղաքականությունն է։ Այս մասին, «gazeta.ru»–ի տեղեկացմամբ, ասել է ՌԴ ԱԳՆ ղեկավար Սերգեյ Լավրովը։

«Փախստականների խնդիրն, այնուամենայնիվ, այլ ծագում ունի։ Այդ տարածաշրջանում բոլոր խնդիրները՝ լինեն փախստականները թե ահաբեկչության սպառնալիքը, կապված են պետությունների փլուզման հետ», –ասել է նախարարը։

Լավրովը բերել է Լիբիայի օրինակը, որը, նրա խոսքերով, միջազգային իրավունքի հնարավոր բոլոր նորմերի խախտման հետևանքով անգթորեն ավերվեց։

«Այդ երկիրը վերածվեց սև անցքի, որտեղից տարբեր ուղղություններով, հիմնականում՝ Աֆրիկայի հյուսիսային այլ երկրներ և մայրցամաքի հարավ հորդեցին սպառազինություն և ահաբեկիչների հոսքեր»,–նշել է Լավրովը։

7or.am