Աֆղանական Քունդուզի հոսպիտալի գրոհումից օրեր առաջ հատուկ գործողություններում մասնագիտացած ամերիկյան վերլուծաբանները տեղեկատվություն էին հավաքում նշված օբյեկտի մասին։ «Associated Press»–ի տվյալներով՝ ռազմական վերլուծաբանների մոտ փաստաթղթերի արխիվ կար, որոնք վերաբերում էին հոսպիտալին, դրանց թվում՝ քարտեզներ, որոնցում հատուկ առանձնացված էր բուժհաստատությունը։

Հետախուզությունը հայտնել էր, որ հոսպիտալն օգտագործում էր թալիբների հրամանատարությունը՝ իբրև վերահսկողական կենտրոն, որտեղ կարող էր զենք թաքցնել։

Նշվում է, որ մասնագետներն արդարացրել են գրոհը՝ հայտնելով, որ ահաբեկիչները ոչնչացվել են։

Պենտագոնի ներկայացուցիչները, սակայն, պաշտոնապես հերքում են նշված տեղեկատվությունը։

Ավելի վաղ հաղորդվել էր, որ թալիբները նահանջել են Քունդուզից, որպեսզի խուսափեն տեղաբնակների շրջանում հնարավոր զոհերից։

7or.am