Աշխարհ

17.10.2015 09:45


Օբաման Իսրայելին և Պաղեստինին կոչ է արել նվազեցնել հակամարտության էսկալացիան

Օբաման Իսրայելին և Պաղեստինին կոչ է արել նվազեցնել հակամարտության էսկալացիան

ԱՄՆ նախագահ Բարաք Օբաման հայտարարել է, որ Իսրայելն իրավունք ունի միջոցներ ձեռնարկել իր քաղաքացիներին բռնությունից պաշտպանելու համար, բայց, միևնույն ժամանակ, կոչ է արել երկրի վարչապետ Բենիամին Նեթանյահուին և Պաղեստինի ղեկավար Մահմուդ Աբբասին նվազեցնել այն հռետորաբանությունը, որը բռնություն է սնում։

«Մենք կարծում ենք, որ Իսրայելն իրավունք ունի պահպանել իրավակարգը և պաշտպանել իր քաղաքացիներին փողոցներում դանակի գործադրմամբ հարձակումներից ու բռնության այլ դեպքերից։ Սակայն վարչապետ Նեթանյահուի, Պաղեստինի պաշտոնական դեմքերի և նախագահ Աբբասի համար նաև կարևոր է փորձել նվազեցնել այն հռետորաբանությունը, որը կարող է բռնություն սնել, ցասում կամ թյուրըմբռնում»,– Օբամայի խոսքերն է մեջբերում «ՌԻԱ նովոստի»–ն։

Ավելի վաղ ԱՄՆ պետքարտուղար Ջոն Քերրին հայտարարել էր, որ կսկսի աշխատել Պաղեստինի և Իսրայելի միջև առկա լարվածությունը վերացնելու ուղղությամբ։

7or.am

Այս խորագրի վերջին նյութերը