Սիրիայում ռուսական ավիախմբի իրականացրած մոտ 670 թռիչքի արդյունքում ոչնչացվել է ահաբեկիչների ավելի քան 450 օբյեկտ։ Այս մասին, «ՌԻԱ նովոստի»–ի տեղեկացմամբ, հայտնել է ՌԴ ՊՆ գլխավոր օպերատիվ վարչության պետ, գեներալ–գնդապետ Անդրեյ Կարտապալովը։

Նրա խոսքերով՝ սեպտեմբերի 30–ից՝ ՌԴ ՌՏՈւ գործողությունների սկզբից, ընդհանուր առմամբ, իրականացվել է 669 ռազմական թռիչք, որից 115–ը՝ գիշերը։ Առավել կարևոր օբյեկտները ոչնչացնելու համար օգտագործվել են ծովային բազավորման «Կալիբր» տիպի թևավոր հրթիռներ։

Գլխավոր շտաբի գնահատականներով՝ ավիահարվածների արդյունքում հաջողվել է էապես խախտել գրոհայինների ենթակառուցվածքները։

Ավելի վաղ ՌԴ Գլխավոր շտաբից հայտարարել էին ԻՊ նյութատեխնիկական բազայի պայթեցման մասին։

7or.am