Աշխարհ

04.11.2015 20:47


Իր աստղից զրկված մոլորակում փոթորկում են «մետաղե» հողմերը

Իր աստղից զրկված մոլորակում փոթորկում են «մետաղե» հողմերը

Մեծ Բրիտանիայի Էդինբուրգի համալսարանի գիտնականները, Բեթ Բիլլերի գլխավորությամբ, ուսումնասիրել են 2013թ. «Pan-STARRS» աստղադիտակների համակարգի շնորհիվ հայտնաբերված «PSO J318.5-22» մոլորակը և պարզել, որ այն, հավանաբար, ծագել է աստղի շուրջ, այնուհետև ինչ-որ կերպ դուրս եկել իր ուղեծրից` միայնակ հայտնվելով բաց տիեզերքում:

Այս իրավիճակը հեշտացնում է մոլորակի ուսումնասիրումը, քանի որ չկա աստղադիտակները կուրացնող աստղի փայլը:

«New Scientist»-ի փոխանցմամբ` առանց աստղի մնացած մոլորակի պայծառությունը մի քանի ժամվա ընթացքում կարող է տատանվել մոտ 10%-ի շրջանակներում, ինչը, ըստ գիտնականների, հավանաբար պայմանավորված է մոլորակի եղանակային համակարգի առանձնահատկություններով: Այսպես, միայնակ մոլորակի մակերեսին Քելվինի համակարգով մոտ 1100 աստիճան տաքություն է, որը պահպանվում է մոլորակի ներքին տաքության շնորհիվ, քանի որ մոլորակի շուրջ չկան աստղեր, որոնք կտաքացնեին այն: Դա նշանակում է, որ մոլորակի ամպերը բաղկացած են ոչ թե ջրից, այլ հեղուկ մետաղից։ Իր աստղից զրկված մոլորակում փոթորկում են հալված մետաղից հողմերը։

7or.am

Այս խորագրի վերջին նյութերը