Սիրիայում չափավոր ընդդիմության որոշ խմբեր պատրաստ են հրադադարի, եթե նման որոշումն ընդունվի խաղաղ կարգավորման գործընթացի շրջանակներում:

Այդ մասին, ըստ «ՌԻԱ Նովոստի»-ի, «Sputnik» գործակալությանը հայտնել է ընդդիմադիր Ազգային համակարգող կոմիտեի ղեկավար Հասան Աբդել Ազիմը:

«Կան սիրիական ընդդիմության զինված խմբեր, որոնք ընդունում են քաղաքական որոշման հնարավորությունը, քանի որ նրանք սիրիական ժողովրդի մի մասն են: Նրանք պահպանելու են հրադադարի ռեժիմը, եթե նման որոշում ընդունվի»,- հայտարարել է Աբդել Ազիմը` հավելելով, որ որոշ խմբեր նաև լավատեսորեն են տրամադրված ՌԴ ռազմա-տիեզերական ուժերի գործողությունների նկատմամբ, և իրենց գործողությունները հարմարեցնում են ահաբեկիչների դեմ ուղղված Ռուսաստանի հարվածներին:

«Նրանք նման որոշում են կայացրել, երբ նկատել են ահաբեկիչներին հարվածներ հասցնելու գործում Ռուսաստանի լրջությունը: Ընդդիմադիրները նահանջում են, երբ անհրաժեշտ է ՌԴ-ին հնարավորություն տալ հարված հասցնել ահաբեկիչներին, և դրանով իսկ փրկում են իրենց կյանքը», - ասել է Ազգային համակարգող կոմիտեի ղեկավարը:

7or.am