ՌԴ օդա–տիեզերական ուժերի գլխավոր հրամանատար Վիկտոր Բոնդարևը «Комсомольская правдa»-ին ներկայացրել է, թե ինչու էր ռուսական կործանիչը հայտնվել Թուրքիայի օդային տարածքում։

«Այն մարտական առաջադրանք էր կատարում Սիրիայի հյուսիսում։ Խիտ ամպեր էին։ Թուրքիայի սահմանի երկայնքով թռչելիս սարքավորումները ցույց տվեցին, որ ցամաքային ՀՕՊ համակարգը փորձում է թիրախավորել ռազմական օդանավը։ Այդ պատճառով էլ օդաչուն ստիպված էր հաշված վայրկյանների ընթացքում հակահրթիռային մանևր կատարել»,-ասել է Բոնդարևը՝ հավելելով, որ դրա հետևանքով էլ ռուսական կործանիչը փոքր-ինչ հատել է Թուրքիայի երկինքը։

7or.am