ԱՄՆ նախագահի մամուլի քարտուղար Ջոշ Էռնեսթը հայտարարել է՝ Միացյալ Նահանգները խիստ կասկածում է, որ Հյուսիսային Կորեան ջրածնային ռումբ ունի։ Այս մասին գրում է «Գազետան»՝ «Reuters»–ին հղումով։

«Ներկայումս մեզ հասանելի տեղեկատվությունը խիստ կասկածներ է հարուցում այդ հայտարարության վերաբերյալ, բայց մենք ամենայն լրջությամբ ենք վերաբերվում հյուսիսկորեական ռեժիմից սպառնացող հնարավոր այդ վտանգին և միջուկային զենք ստեղծելու նրանց փորձերին»,–ասել է Էռնեսթը։

Հիշեցնենք՝ ավելի վաղ ԿԺԴՀ առաջնորդ Կիմ Չեն Ընը հայտարարել էր՝ Հյուսիսային Կորեան արդեն հզոր միջուկային գերտերություն է, որն ունակ է միջուկային ու ջրածնային սեփական ռումբերը կիրառել իր ինքնիշխանությունը պաշտպանելու համար։

7or.am