«7օր»-ի հետ հարցազրույցում քաղաքագետ Հմայակ Հովհաննիսյանն ասել էր, թե ինքը մազերը ոչ թե ներկում է, այլ հինա է դնում՝ այն խառնելով բասմայի հետ։

Հիշեցնենք, որ Հ. Հովհաննիսյանն այս ասել էր ի պատասխան ՕԵԿ-ական պատգամավոր Հովհաննես Մարգարյանի այն դիտարկման, թե հայ տղամարդը մազ չի ներկում։

Այսօր էլ պատասխանելով «7օր»-ի հարցին, թե հայ տղամարդը հինա կարո՞ղ է դնել, Հովհաննես Մարգարյանն ասել է.

-Ինձ համար անընդունելի է թե՛ հինա դնելը, թե՛ մազ ներկելը։ Կանա՛յք պետք է զբաղվեն դրանով։

Իսկ այն հարցին, թե արդյոք տղամարդիկ պե՞տք է մազեր կրակեն, և Հ. Հովհաննիսյանի այն խորհրդի վերաբերյալ, թե ՕԵԿ նախագահ Արթուր Բաղդասարյանն էլ պետք է մազերին հինա դնի, Հ. Մարգարյանը պատասխանել է.

-Ես անմեղսունակների, 20-րոպեանոց ուղեղիկ ունեցող մարդկանց պատասխանելն այլևս գտնում եմ աննպատակահարմար,– այդպես էլ չասելով իր կարծիքը տղամարդկանց մազ կրակելու մասին։։

7or.am