Աշխարհ

17.12.2015 14:28


ԱՄՆ–ը ռազմամթերքի նոր խմբաքանակ է ուղարկել սիրիացի ընդդիմադիրներին

ԱՄՆ–ը ռազմամթերքի նոր խմբաքանակ է ուղարկել սիրիացի ընդդիմադիրներին

ԱՄՆ–ը ռազմամթերքի նոր խմբաքանակ է ուղարկել Սիրիայի հյուսիս–արևելքում ԴԱԻՇ–ի դեմ պայքարող տեղացի ընդդիմադիրներին։ Այս մասին հայտնում է «REUTERS»–ը՝ ամերիկյան ղեկավարությունում իր աղբյուրին հղումով։

Լրագրողների տվյալներով՝ ռազմամթերքն անհրաժեշտ է ընդդիմադիրներին ԴԱԻՇ–ի ահաբեկիչների կողմից գրավված, ռազմավարական կարևոր նշանակություն ունեցող Էշ–Շադադի քաղաքի գրոհին նախապատրաստվելու համար։ Հարձակման հստակ ամսաթիվ, սակայն, չի նշվում։

Հաղորդվում է նաև, որ ս.թ. հոկտեմբերից Վաշինգտոնն արդեն երրորդ անգամ է ռազմամթերք ուղարկում սիրիական ընդդիմությանը։

Ավելի վաղ ԱՄՆ կողմից Իրաքում ու Սիրիայում ընթացող հակաահաբեկչական գործողություններին մասնակցող զինվորականների պաշտոնական ներկայացուցիչ, գնդապետ Սթիվ Ուորրենը հաղորդել էր, որ Էշ–Շադադին ահաբեկիչների կարևորագույն լոգիստիկ կենտրոնն է Ռաքքայի ճանապարհին։ Այնտեղ են գտնվում պահեստներն ու զինյալների վարժանքների ճամբարները, և նաև այնտեղից են զինված ահաբեկիչները մեկնում կռվելու Իրաքի և Սիրիայի տարբեր կետերում։

7or.am

Այս խորագրի վերջին նյութերը