ՌԴ նախագահ Վլադիմիր Պուտինն այսօրվա մեծ ասուլիսում հայտարարել է, որ Միխայիլ Սահակաշվիլիին Օդեսսայի նահանգապետի պաշտոն տալը նշանակում էր թքել ուկրաինացի ժողովրդի երեսին։

«Հերիք չէ, որ Ուկրաինային արտաքին կառավարման տակ են դրել, դեռ մի բան էլ, այսպես կոչված, քաղաքական գործիչների են ներկրել։ Իմիջիայլոց, որքան գիտեմ, Սահակաշվիլիին ԱՄՆ աշխատանքային վիզա չէին տվել։ Ուղարկել էին Ուկրաինա, որ այնտեղ հրամաններ տա։ Նա էլ, ահա, ակտիվ գործում է,- ասել է Պուտինը,–Վրաստանի նախորդ ղեկավարությունը և այն ժամանակվա նախագահ Միխայիլ Սահակաշվիլին չպետք է նման արկածախնդիր որոշումներ կայացնեին, որոնք հանգեցրեցին Վրաստանի տարածքային փլուզման: Դա նրանց պատմական մեղքն է, և այն ամբողջությամբ ընկած է նրանց ուսերին»:

Ի դեպ, Պուտինը նաև նշել է, որ Ռուսաստանը պատրաստ է վերականգնել Վրաստանի հետ հարաբերությունները և չեղարկել վիզային ռեժիմը։

7or.am